വാഷിങ്ടൻ ∙ റോബർട് ഇ. ലീ അടക്കം അടിമത്ത അനുകൂലികളായ 10 കോൺഫെഡറേറ്റ് നേതാക്കളുടെ പ്രതിമകൾ യുഎസ് പാർലമെന്റ് മന്ദിരമായ കാപ്പിറ്റോളിൽ നിന്നു നീക്കം ചെയ്യാനുള്ള ബിൽ യുഎസ് ജനപ്രതിനിധി സഭ വൻ ഭൂരിപക്ഷത്തോടെ അംഗീകരിച്ചു.

എന്നാൽ, റിപ്പബ്ലിക്കൻ പക്ഷത്തിനു ഭൂരിപക്ഷമുള്ള സെനറ്റിൽ ബിൽ പാസാകുമോയെന്നു വ്യക്തമല്ല. ഇരുസഭകളും പാസാക്കിയാലും പ്രസിഡന്റ് കൂടി ഒപ്പിട്ടാൽ മാത്രമേ നിയമമാകുകയുള്ളൂ. പ്രതിമകൾ നീക്കം ചെയ്യുന്നതിനോടു ഡോണൾഡ് ട്രംപിനു യോജിപ്പില്ല.